پی ڈی ایم رہنماؤں نے ہزارہ برادری کادھرنا ہائی جیک کرنے کی کوشش کی: زلفی بخاری

اسلام آباد(یواین پی)وزیراعظم کے معاون خصوصی برائے اوورسیز پاکستانی زلفی بخاری نے کہا ہے کہ پی ڈی ایم نے ہزارہ برادری کے دھرنے کو ہائی جیک کرنے کی کوشش کی۔ زلفی بخاری نے کہا کہ مریم نواز نے دھرنے میں جا کر بھی سیاست کی۔ وزیراعظم نے کبھی یہ نہیں کہا کہ وہ دھرنے میں نہیں جائیں گے۔ ان کی جان کو کوئٹہ میں خطرہ تھا۔انہوں نے مزید کہا کہ مریم نواز نے ہزارہ برادری کے دھرنے میں جا کر سیاست کی۔ ان کے ساتھ رانا ثناءاللہ کھڑے تھے جنہوں نے ملک میں فرقہ واریت کی بنیاد ڈالی۔