دنیاوی مصروفیات چھوڑ کر ماہ صیام میں اللہ کی قربت حاصل کر نی چاہئے؛ ایم اے ٹھاکر

اس ماہ کی عظمت کا اندازہ اس بات سے لگایا جا سکتا ہے کہ قرآن مقدس کا نزول اسی مہینے میں ہوا
لاہور(یواین پی) روزہ وہ عظیم فریضہ ہے جس کو رب ذوالجلال نے اپنی طرف منسوب فرمایا ہے اور قیامت کے دن رب کائنات اس کا بدلہ اور اجر بغیر کسی واسطہ کے بذات خود روزہ دار کو عنایت فرمائیں گے ہمیں دنیاوی مصروفیات ترک کرتے ہوئے ماہ صیام میں اللہ کی قربت حاصل کر نی چاہئے ان خیالات کا اظہار معروف اداکارایم اے ٹھاکر کامیڈین نے یواین پی سے ایک ملاقات کے دوران کیا انہوں نے مزید کہا کہ رمضان کا پہلا عشرہ رحمت، دوسرا عشرہ مغفرت اور تیسرہ عشرہ جہنم کی آگ سے نجات کا ہے یہ برکتوں والا مہینہ ہے اس ماہ کی عظمت کا اندازہ اس بات سے لگایا جا سکتا ہے کہ قرآن مقدس کا نزول اسی پاک مہینے میں ہوا۔