آزاد پاکستان اللہ تعالیٰ کی طرف سے ایک خاص نعمت ہے؛ حمیراناز

لاہور (یواین پی) آج ہم جو آزادی جیسی نعمت سے سرفراز ہیں اسکے پیچھے لاکھوں شہیدوں کی قربانیاں اورلازوال داستانیں رقم ہیں۔ یوم آزادی کی تقریبات میں ہمیں آزادی جیسی عظیم نعمت سے فیض یاب ہونے پر اللہ تعالی کا شکر ادا کرنا چاہئے۔ آزاد پاکستان اللہ تعالیٰ کی طرف سے ایک خاص نعمت ہے اور اس ملک کے عوام کی ذمہ داری ہے کہ اسے مضبوط اور خوشحال بنانے کے لئے اپنا کردار ادا کریں۔ ان خیالات کا اظہار فلم اور ٹی وی کی معروف اداکارہ حمیراناز ننے چودہ اگست کے حوالے سے یواین پی سے گفتگو کرتے ہوئے کیاانہوں نے مزید کہا کہ آزادی ایک بہت بڑی نعمت ہے اور اللہ نے ہمیں اس نعمت سے نوزا ہے لہٰذا ہمیں اس کا انتہائی شکر گزار ہونا چاہئے انہوں نے کہا کہ اللہ پاک نے ہمیں ایک آزاد اور خود مختار مملکت عطا کی ہے ہمیں چاہئے کہ ہم آپس کی تمام رنجشوں کو بالائے تاک رکھ کر ایک ہو جائیں انہوں نے مزید کہا کہ قومی یکجہتی کے جذبے کے ساتھ پوری قوم کو اس ملک کی سلامتی اور استحکام کے لئے کام کرنا چاہئے ۔