بھارت میں نیوی کمانڈر سمیت 2 افسران آبدوز سے متعلق خفیہ معلومات چرانے پر گرفتار

Published on October 27, 2021 by    ·(TOTAL VIEWS 69)      No Comments

نیوی کمانڈر نے اپنے دو سابق افسران کے ساتھ مل کر حساس معلومات چرائیں، سی بی آئی
نئی دہلی(یواین پی)بھارت میں ایک حاضر نیوی کمانڈر اور دو سابق افسران کو روسی ساختہ آبدوز سے متعلق خفیہ اور حساس معلومات چرانے کے الزام میں حراست میں لیا گیا ہے۔ میڈیا کے مطابق سینٹرل بیورو آف انویسٹی گیشن نے ایک چھاپہ مار کارروائی میں نیوی کے حاضر کمانڈر اور دو سابق افسران کو گرفتار کیا ہے۔ تاہم ان کے نام ظاہر نہیں کیے گئے ہیں۔ان افسران کو بھارتی بحریہ کی اہم ترین آبدوز سے متعلق خفیہ معلومات چرانے کے الزام میں گرفتار کیا گیا ہے تاہم اب تک ان معلومات کے کسی غیر ملک کو فروخت کرنے کے شواہد نہیں ملے ہیں۔بھارتی بحریہ کی جانب سے جاری بیان میں کہا گیا ہے کہ آبدوز کی انتظامی اور ٹیکنیکل معلومات کے چوری ہونے کی تحقیقات جاری ہیں۔دوسری جانب این ڈی ٹی وی نے بھارتی بحریہ کے ذرائع سے دعویٰ کیا ہے کہ انڈین نیوی کے وائس ایڈمرل اور ریئل ایڈمرل سے بھی خفیہ معلومات کی چوری کے حوالے سے سی بی آئی نے پوچھ گچھ کی ہے۔

Readers Comments (0)




Premium WordPress Themes

WordPress Blog