فیصل آباد (یو این پی)انچارج سٹی ٹرمینل عاصم الیاس نے سٹینڈ کے مختلف حصوں کا دورہ کرکے مختلف بسوں کے اندر جاکر مسافروں وڈرائیورز میں کورونا سے بچاؤ کی احتیاطی تدابیر پر مشتمل پمفلٹس تقسیم کئے۔انہوں نے کہا کہ مکمل ویکسینیشن اور احتیاطی تدابیر پر عمل کرکے کورونا سے محفوظ رہا جاسکتا ہے لہذا ذمہ داری کا احساس کریں۔انہوں نے ٹرانسپورٹرز سے کہا کہ ویکسینیشن کے حامل افراد ہی کو سفر کی اجازت دی جائے جبکہ بسوں میں مقررہ ایس اوپیز پر ہر صورت عملدرآمد ہونا چاہیے۔انہوں نے مسافروں سے کہا کہ وہ اپنے اہلخانہ اور دیگر لوگوں کو مکمل ویکسینیشن کرانے کا پیغام دیں تاکہ کورونا سے محفوظ رہا جاسکے۔