اسسٹنٹ ایڈمنسٹریٹر جنرل بس سٹینڈ رانا حبیب اللہ انسداد پولیو کی جاری مہم پر عملدرآمد کاجائزہ

فیصل آباد (یو این پی)اسسٹنٹ ایڈمنسٹریٹر جنرل بس سٹینڈ رانا حبیب اللہ انسداد پولیو کی جاری مہم پر عملدرآمد کاجائزہ لینے کے لئے سٹینڈ کے مختلف حصوں میں گئے اور پولیوٹیموں کی موجودگی،بچوں کو قطرے پلانے اور اندراجات کے عمل کو چیک کیا۔انہوں نے مختلف شہروں کو روانہ ہونے والی بسوں کے اندر جا کر والدین سے ان کے ہمراہ پانچ سال تک کی عمرکے بچوں کو حفاظتی قطرے پلوانے کے بارے میں دریافت اور بچوں کی انگلیوں پر تصدیقی نشانات چیک کرکے تسلی کی جبکہ موقع پر بعض بچوں کو خود بھی پولیو سے بچاؤ کے قطرے پلائے۔انہوں نے والدین سے کہا کہ وہ اپنے پانچ سال تک کی عمر کے بچوں کو پولیو ویکسین کے قطرے ضرور پلوائیں تاکہ اس مرض کا یکسر خاتمہ کیا جاسکے۔