کراچی: مختلف علاقوں میں سی ٹی ڈی کا سرچ آپریشن، 4 افراد زیرِ حراست

Published on July 19, 2023 by admin ·(TOTAL VIEWS 65) No Comments

کراچی(یو این پی)سندھ پولیس کے انسدادِ دہشت گردی سیل کے عملے نے کراچی کے مختلف علاقوں میں سرچ آپریشن کے دوران مشکوک افراد سے پوچھ گچھ کی اور ان کے کوائف کا الیکٹرانک ڈیوائسز سے معائنہ کیا۔ترجمان سی ٹی ڈی سندھ کے مطابق کراچی کے مختلف مشکوک علاقوں میں سی ٹی ڈی کی SWAT ٹیم اور تجربہ کار سی ٹی ڈی افسران کی زیرِ نگرانی آپریشن کیا گیا۔اسٹیل ٹاؤن اور تھانہ بن قاسم ضلع ملیر کے علاقے سمر گوٹھ اور علی جان گوٹھ میں انفارمیشن بیسڈ یہ آپریشن کیا گیا۔ان علاقوں میں مشتبہ افراد کا ریکارڈ تلاش ایپ سے چیک کیا گیا اور گھر گھر تلاشی کے دوران 48 مشتبہ افراد کو چیک کیا گیا۔سرچ آپریشن کے دوران 4 مشتبہ افراد اور 1 مشکوک گاڑی کو تصدیق کی غرض سے متعلقہ تھانے کے حوالے کیا گیا۔