پاکستان کی سیرین ایئر لائنز کا چین کے لئے اپنی پروازوں کا آغاز
Published on November 20, 2023 by admin ·(TOTAL VIEWS 119) No Comments
پرواز کے بیجنگ ائیر پورٹ پہنچنے پر بھر پور استقبالاسلام آ باد (یو این پی) پاکستان کی نجی ایئر لائن ، سیرین ایئر لائنز نے چین کے لیے اپنی پروازوں کا آغاز کر دیا ہے۔اتوار کے روز پرواز کراچی سےروانہ ہو کر اسلام آباد میں رکتے ہوئے بیجنگ کے ڈاکسنگ ایئرپورٹ تک پہنچی جہاں ایک بھرپور استقبالیہ تقریب کا اہتمام کیا گیا تھا۔ تقریب سے خطاب کرتے ہوئے وزیر اعظم کے مشیر برائے ہوا بازی ایئر مارشل (ر) فرحت حسین خان نے اس فلائٹ آپریشن کے آغاز کو رابطے، سفر اور سیاحت کے ذریعے چین- پاک تعلقات کو آگے بڑھانے میں ایک اور سنگ میل قرار دیا ۔ ان کاکہنا تھا کہ اس سے دونوں ممالک کے عوام کو سفری سہولیات کی بلا تعطل فراہمی اور دونوں ممالک کے عوام کے درمیان مضبوط تعلقات کو فروغ دینے کے لیے پاکستان کے عزم کا اظہار ہوتا ہے۔ اس موقع پر چین میں پاکستان کے سفیر خلیل ہاشمی نے کہا کہ نجی شعبے کی جانب سے ایئر لائن سروسز کے آغاز سے نہ صرف پاکستان اور چین کے درمیان فضائی پل مضبوط ہوگا بلکہ سرمایہ کاری، تجارت، سفر اور سیاحت کو بھی فروغ ملے گا۔ خلیل ہاشمی نے مزید کہا کہ نیا روٹ دونوں ممالک کے درمیان کاروبار، سیاحت اور ثقافتی تبادلے میں اضافے کی سہولت فراہم کرے گا۔ ان کا کہنا تھا کہ اقتصادی تعلقات کو مضبوط بنانے کے علاوہ فضائی رابطوں میں اضافے کا مقصد سیاحت کے شعبے کی ترقی میں کردار ادا کرنا بھی ہے۔
:اسی سے منسلک خبریں جو آپ پڑھنا چاہیں گے
فیض آباد دھرنے پر آئی ایس آئی کی جانب سے جمع کرائی جانے والی رپورٹ کو غیر تسلی بخش قراردوہفتوں میں جامع رپورٹ طلب
ڈرامہ کوئین وینا ملک نے نیا گانا ریلز کردیا
میاں شہباز شریف کا وزیر اعظم بننا ملکی ترقی کی علامت ہے سید ماجد علی شاہ
حزب اختلاف میں آگئے تو صحیح اپوزیشن کرکے چلائیں گے، اختر مینگل
دبئی کے حکمران شیخ محمد کی بیٹی کی منگنی نے سوشل میڈیا پر دھوم مچادی
عمران خان کو اندازہ ہی نہیں اس کے ساتھ ہوا کیا ہے، بلاول بھٹو
Readers Comments (0)