پاکستانی قوم کونقل مقا نی کرنے والے آئی ڈی پیز کی مدد کرنی چاہئے ، شعیب اختر

اسلام آباد ۔۔۔ شعیب اختر اورکامران اکمل نے کہا ہے کہ پوری پاکستانی قوم کو شمالی وزیر ستان ملٹری آپریشن کے باعث نقل مقا نی کرنے والے آئی ڈی پیز کی مدد کرنی چاہئے، ان خیالات کا اظہار انہوں نے گذشتہ رات راولپنڈی کرکٹ سٹیڈیم میں پاکستان اے ٹیم اور حمزہ شہباز الیون کے درمیان کھیلے گئے میچ کے موقع پر کیا۔ انہوں نے کہا کہ یہ ایسا وقت ہے کہ ان لوگوں کو اس وقت مدد کی ضرورت ہے اور یہ پنجاب حکومت کا بڑا کارنامہ ہے جو ایسے اقدامات کر رہی ہے۔ انہوں نے کہا کہ پاکستان ایک امن پسند ملک ہے اور پاکستان کا ہرآدمی اور بچہ بچہ ملک میں امن چاہتا ہے اور امن سے کھیلوں کو فروغ حاصل ہوگا۔