سونم کپور نے اپنے آپ کو بھوکی بالی وڈ اداکارہ کا خطاب دیدیا

ممبئی(یو ا ین پی) بالی وڈ اداکارہ سونم کپور نے اپنے آپ کو بھوکی بالی وڈ اداکارہ کا خطاب دیدیا۔ بالی وڈ اداکارہ سونم کپور جنہیں اسٹائل آئیکون کا خطاب حاصل ہے نے ایک خطاب خود سے اپنے آپ کو دیا ہے یہ ’’ بھوکی بالی وڈ خاتون‘‘ کا خطاب ہے ۔ اداکارہ نے یواین پی سے کہا کہ انہیں کھانے پینے کا بے حد شوق ہے اور جب انہیں بھوک لگتی ہے وہ بالکل مختلف انسان بن جاتی ہیں۔ میٹھا ان کا پسندیدہ ہے وہ چاکلیٹ کی بڑی شوقین ہیں۔ انہیں خوشی ہے کہ وہ ’’ سنائیکر‘‘ چاکلیٹ کی برینڈ ایمبیسیڈر ہیں۔ یہ ان کی پسندیدہ چاکلیٹ ہے ۔ اداکارہ کی آئندہ ریلیز ہونیوالی فلموں میں’’ ڈولی کی ڈولی‘ ‘ اور ’’پریم رتن دھن پایو‘‘ شامل ہیں۔