ڈاکٹر طاہر القادری کا حکومت سے سانحہ ماڈل ٹاﺅن کی غیر جانبدار جوائنٹ انوسٹیگیشن ٹیم بنانے کا مطالبہ

مدینہ منورہ ( یواین پی ) پاکستان عوامی تحریک کے سربراہ ڈاکٹر طاہر القادری نے حکومت سے سانحہ ماڈل ٹاﺅن کی غیر جانبدار جوائنٹ انوسٹیگیشن ٹیم بنانے کا مطالبہ کر دیا۔میڈیا کو جاری اپنے بیان میں ڈاکٹر طاہر القادری کا کہنا تھا کہ سانحہ ماڈل ٹاﺅن المناک سانحہ تھا جس میں عوامی تحریک کے کارکنان کو بے دردری کے ساتھ شہید کیا گیا۔ان کا کہنا تھا کہ حکومت انصاف کے تقاضوں کو پورا کرے اور واقعے کی تحقیقات کے لیے غیر جانبدار جے آئی ٹی تشکیل دی جائے تاکہ شہداءکو انصاف مل سکے۔