چیف آف آرمی سٹاف تین روزہ دورے پر ماسکو پہنچ گئے، اعلیٰ سول و عسکری حکام سے ملاقاتیں کرینگے

ماسکو (یو این پی) چیف آف آرمی سٹاف جنرل راحیل شریف تین روزہ دورے پر روس کے دارالحکومت ماسکو میں پہنچ گئے ہیں۔کریملن کے سامنے چیف آف آرمی سٹاف کے اعزاز میں گارڈ آف آنر پیش کیا گیا۔انہوں نے گمنام سپاہیوں کی یادگار پر پھول رکھے۔اس موقع پر رشین بینڈ نے پاکستانی ترانہ بجایا۔ ذرائع کے مطابق اپنے دورے کے دوران چیف آف آرمی سٹاف روس کے اعلیٰ سول و عسکری حکام سے ملاقاتیں کریں گے۔