پیپلزپارٹی حکومت کے نہیں،جمہوریت کا ساتھ ہے،اعتزاز احسن

اسلام آباد(یواین پی)پیپلزپارٹی کے رہنما سینیٹراعتزازاحسن کا کہنا ہے کہ سندھ کیساتھ امتیازی سلوک کیا جا رہا ہے،پیپلزپارٹی حکومت کے نہیں،جمہوریت کا ساتھ ہے، موجودہ حکومت اپنے کارناموں کی وجہ سے گرتی نظر ایرہی ہے،اسلام آباد میں پریس کانفرنس کرتے ہوئے اعتزاز احسن نے کہا کہ کچھ عرصے سے سندھ حکومت کے خلاف پراپیگنڈا کیا جا رہا ہے،سندھ حکومت میں خامیاں نکالی جا رہی ہیں،پنجاب سے منصوبوں کیلئے راتو رات فنڈز مہیا کر دیئے جاتے ہیں، سندھ کے منصوبوں کو کھٹائی میں ڈال دیا جاتا ہے، زائد بل بھیج کرکہا جاتا ہے کہ سندھ کے لوگ بل ادا نہیں کر رہے،ان کا مزیدکہنا تھا کہ پیپلزپارٹی جمہوریت کا ساتھ دے ر ہی ہے، موجودہ حکومت اپنے کارناموں کی وجہ سے گرتی نظر ایرہی ہے،صوبائی وزیرسندھ مراد علی شاہ کا کہنا تھا کہ جولائی دوہزار دس سے مئی دوہزار پندرہ تک وفاقی حکومت نے سندھ کا ایک سو تین اعشاریہ نو ارب روپے بل نکالا ہے،ہم پانچ سال میں اکتالیس ارب سات سو ستاون کروڑ روپے روپے ادا کر چکے ہیں، پھر بھی پینسٹھ ارب روپے کا واویلا کیا جارہا ہے۔