ملک کے تمام ائیرپورٹس پر غیر معینہ مدت کے لئے ہائی الرٹ جاری

کراچی (یو این پی) ائیر پورٹ سیکیورٹی فورسز کی طرف سے سیکیورٹی خدشات کے پیش نظر ملک کے تمام ایئرپورٹس پر غیر معینہ مدت تک ہائی الرٹ جار ی کر دیا گیا ہے۔ اے ایس ایف ذرائع کا کہنا ہے کہ سیکیورٹی خدشات کے تحت ائیرپورٹس کو ہائی الرٹ کیا گیا ہے۔ کراچی ا یئرپورٹ کے داخلی اور خارجی راستوں پربھی اے ایس ایف کی نفری بڑھا دی گئی ہے اور مسافروں کے سامان کی چیکنگ کے عمل کو بھی مزید سخت کردیا گیا ہے۔