عائشہ ممتاز کے کام کی دھوم دوسرے صوبوں میں بھی سنائی دینے لگی

لاہور( یو این پی)ڈائریکٹر آپریشنز پنجاب فوڈ اتھارٹی عائشہ ممتاز کی دبنگ کارروائیوں کی دھوم دوسرے صوبوں میں بھی سنائی دینے لگیں ،کراچی کے شہریوں نے بھی مضر صحت گوشت اور بڑے ہوٹلوں اور فوڈ چینز میں کارروائیوں کیلئے اسی طرح کی دبنگ لیڈی افسر کی تعیناتی کی خواہش کا اظہار کر دیا ۔ سوشل میڈیا پر لاہور کے شہری پہلے ہی عائشہ ممتاز کو دبنگ لیڈی کا خطاب دے چکے ہیں لیکن ان کے کام کی دھوم دوسرے صوبوں تک بھی پہنچ گئی ہے ۔ سوشل میڈیا پر کراچی کے شہریوں نے عائشہ ممتاز کی کارروائیوں کی تعریف کرتے ہوئے اپنے شہر کے لئے بھی اسی طرح کی افسر کی تعیناتی کی خواہش ظاہر کی ہے ۔