نیشنل ایکشن پلان پر تیزی سےعملدرآمد،اہم سیکیورٹی اجلاس10ستمبرکو طلب

Published on September 5, 2015 by admin ·(TOTAL VIEWS 255) No Comments

اسلام آباد (یو این پی)وزیراعظم نواز شریف نے نیشنل ایکشن پلان پرعمل درآمد کاجائزہ لینے کے لئے اپیکس کمیٹی کا اہم اجلاس جمعرات 10ستمبر کو طلب کرلیا۔دہشت گردوں اور ان کے ہمدردوں کے صفایا کیلئے حکومت نے نیشنل ایکشن پلان میں تیزی لانے کا اعلان کردیا، وزیراعظم نوازشریف نے اپیکس کمیٹی کا اہم اجلاس دس ستمبر کو وزیراعظم ہاؤس میں طلب کرلیا، جس میں چاروں صوبائی وزرائے اعلیٰ اور آرمی چیف سمیت اعلیٰ سول وعسکری حکام شریک ہوں گے، جب کہ اجلاس میں نیشنل ایکشن پلان کے بیس نکات پرعمل درآمد کے بارے میں اہم اقدامات اور اعلانات کیے جانے کا بھی امکان ہے۔اجلاس میں انسداد دہشت گردی کے نیشنل ایکشن پلان پر عملدرآمد تیز کرنے کے امور پر غور ہوگا، اپیکس کمیٹی کے اجلاس میں سول بیوروکریسی اور عسکری حکام نیشنل ایکشن پلان پر بریفنگ دینگے، اجلاس میں آئندہ کے لائحہ عمل کی منظوری بھی دی جائے گی۔