نئی دہلی( یواین پی) بھارت کے چہرے پر ایک اور بدنما داغ نمایاں ہوگیا، اُتر پردیش میں 368 سرکاری چپڑاسیوں کی اسامیوں کیلئے 255 ‘پی ایچ ڈیز’ سمیت 23 لاکھ افراد نے درخواست دے ڈالی۔بیروزگاری کی انتہاء ہوگئی، بھارت کی سب سے بڑی ریاست اُتر پردیش میں سیکڑوں ‘پی ایچ ڈیز’ چپڑاسی کی سرکاری نوکری کیلئے جوتیاں چٹخارہے ہیں۔سرکار نے اشتہار دیا کہ 368 چپڑاسی درکار ہیں، کم از کم پرائمری پاس اور سائیکل چلانے کی صلاحیت ڈیمانڈ کی گئی۔جواب میں ریاستی سرکار کو نوکری کیلئے 23 لاکھ درخواستیں موصول ہوئیں، اُمیدواروں میں 2 لاکھ 22 ہزار گریجویٹ اور 255 پی ایچ ڈیز شامل تھے، اعداد و شمار بتاتے ہیں کہ اتر پردیش میں 1 کروڑ 30 لاکھ جوان افراد بے روزگار ہیں۔