پاکستان، انگلینڈ کے درمیان دوسرا ون ڈے آج ہوگا

ابو ظہبی(یوا ین پی) پاکستان اور انگلینڈ کے درمیان سیریز کا دوسرا ون ڈے آج ابوظہبی میں کھیلا جائے گا، سیریزمیں شاہینوں کو ایک صفر کی برتری حاصل ہے۔ابوظہبی کے میدان میں پاک انگلینڈ سیریز کا دوسرا ٹاکرا آج ہوگا۔ یونس خان کی ون ڈے سے ریٹارمنٹ کے بعد گرین شرٹس کے فائنل الیون میں نوجوان کھلاڑی کو شامل کیا جائے گا۔مورگن الیون بھی سیریز برابر کرنے کے عزم کے ساتھ میدان میں اتریں گے۔ چارمیچزکی سیریز میں پاکستان کو ایک صفرکی برتری حاصل ہے۔پہلے ون ڈے میں پاکستان نےانگلینڈ کو چھ وکٹ سے شکست دی تھی۔ میچ پاکستانی وقت کے مطابق شام چار بجے شروع ہوگا۔