کوئٹہ میں پابندی کے باوجود تلور کا شکار شروع

کوئٹہ:(یواین پی) سپریم کورٹ کے فیصلے کے باوجود تلور کا شکار شروع ہوگیا قطر کے شیوخ نے جھل مگسی میں ڈیرے ڈال دیئے۔ ذرائع کے مطابق بلوچستان کے علاقے جھل مگسی میں قطر کے شیوخ تلور کے شکار کے غرض سے پہنچ گئے۔ واضح رہے کہ سپریم کورٹ آف پاکستان کی جانب سے تلور کے شکار پر پابندی عائد کی گئی تھی اس حوالے سے درخواست اب بھی سپریم کورٹ میں زیر سماعت ہے جس پر اب تک فیصلہ نہیں آیا تاہم عدالت عالیہ کی جانب سے تلور کے شکار پر پابندی کا فیصلہ برقرار ہے۔