حافظ آباد میں انوکھی شادی، نہ بارات نہ جہیز

حافظ آباد: (یو این پی) حافظ آباد میں بارات اور جہیز کے بغیر شادی۔ یہاں گورنمنٹ ڈگری کالج حافظ آباد کے سابق پرنسپل عبد اﷲشاہین کے بیٹے کی شادی تھی۔ اس موقع پر کسی بارات کی روانگی یا آمد کا اہتمام نہ کیا گیا۔ بلکہ دلہا والوں نے اپنے مہمانوں کو اپنے گھر سے کھانا کھلایا۔ اور دلہن والوں نے اپنے مہمانوں کو خود کھانا کھلایا۔ بعد ازاں دونوں فریق جامع مسجد مبارک حافظ آباد میں حاضر ہوئے جہاں نماز عصر کی ادائیگی کے بعد نکاح مسنونہ ہوا ۔ جس کے بعد دلہا والے دلہن کو لے کر اپنے گھر روانہ ہوگئے۔ اور دلہن کے اہل خانہ اپنے گھر چلے گئے۔