لاہور(یو این پی) وزیراعلیٰ پنجاب محمد شہباز شریف نے چین کے صدر شی جن پنگ کو 63 ویں سالگرہ پر مبارکباد دی ہے۔ وزیراعلیٰ شہبازشریف نے چین کے صدر کیلئے نیک خواہشات کا اظہار کیا ہے اور ان کی صحت اور درازی عمر کی دعا کی ہے۔ وزیراعلیٰ شہبازشریف نے کہا کہ صدر شی جن پنگ نے اپنے ویژن کے باعث چین کو قلیل عرصے میں دنیا کی مضبوط معیشت بنا دیا ہے۔ انہوں نے کہا کہ چائنہ پاکستان اکنامک کوریڈور چین کے صدر کی جانب سے پاکستانی عوام کیلئے عظیم الشان تحفہ ہے جسے پاکستانی عوام کبھی فراموش نہیں کرسکتے۔