سری نگر: بھارتی فوجیوں‌ پرفائرنگ، ایک ہلاک، آٹھ زخمی

سری نگر: (یو این پی)مقبوضہ کشمیر میں فائرنگ سے ایک بھارتی فوجی ہلاک اور آٹھ زخمی ہوگئے، العمر مجاہدین نامی تنظیم نے حملے کی ذمہ داری قبول کرلی۔برطانوی نشریاتی ادارے بی بی سے کے مطابق سری نگر میں جمعے کی شام مسلح افراد نے انڈین سیما سشستر بل یا ایس ایس بی کے ایک گشتی دستے پر فائرنگ کی۔پولیس کے مطابق حملے میں ایک اہلکار ہلاک اور آٹھ اہلکار زخمی ہوگئے جن میں سے پانچ کی حالت تشویش ناک ہے۔پولیس کا کہنا ہے کہ حملہ آور اندھیرے کا فائدہ اُٹھاتے ہوئے فرار ہوگئے۔یہ حملہ سرینگر کے مشرقی علاقہ زکورہ میں ہوا، جس کے فوراً بعد فورسز اور پولیس نے وسیع علاقے کا محاصرہ کر کے حملہ آوروں کی تلاش شروع کر دی۔بی بی سے کے مطابق العمر مجاہدین کے سربراہ مشتاق زرگر نے انہیں فون کرکے حملے کی ذمہ داری قبول کرلی اور کہاکہ یہ حملہ ان کی تنظیم نے کیا ہے، ہمارےساتھی صحیح سلامت اپنی کمین گاہ پر پہنچ گئے ہیں،ہم بھارتی فوج اور فورسز کے خلاف ایسے مزید حملوں کی منصوبہ بندی کررہے ہیں۔واضح رہے کہ صرف دو روز قبل سری نگر کے جنوبی علاقہ پام پور میں واقع ایک سرکاری عمارت میں چھپے دو مسلح شدت پسندوں اور فوج کے درمیان تین روز تک تصادم جاری رہا۔عمارت پر سیکڑوں مارٹر گولے اور راکٹ فائر کرنے کے بعد فوج نے اس تصادم میں دو حملہ آوروں کو ہلاک کرنے کا دعویٰ کیا تھا۔