تم ہی مجھے دِکھتے ہو

Published on October 24, 2016 by admin    ·(TOTAL VIEWS 1,020)      No Comments

 شاعرہ ۔۔۔حیا خان ۔۔۔۔ کراچی
جا بجا تم ہی مجھے دِکھتے ہو

سوچوں  میں خیالوں میں
چاہت کے حوالوں   میں

                        تم ہی مجھے دِکھتے ہو

محفل کے چراغوں  میں
خلوت میں هزاروں میں

                         تم ہی مجھےدِکھتے ہو

تمثیل ِ    مثالی    میں
 تصویر ِ  خیالی    میں

                         تم ہی مجھے دِکھتے ہو

شعروں  کی قطاروں میں
غزلوں   کی بہاروں میں

                         تم ہی مجھے دِکھتے ہو

نوشی جی کے نغموں  میں
پروین  کی   نظموں   میں

                         تم ہی مجھے دِکھتے ہو

لیلی  جی کی  چاہت  میں
مجنوں کی   نقاہت   میں

                         تم ہی مجھے دِکھتے ہو

برکھا کی پُهواروں میں
 ساون کی بہاروں میں

                         تم ہی مجھےدِکھتے ہو

کوئل   کی   پکاروں  میں
پُر  کیف   نظاروں   میں

                         تم ہی مجھے دِکھتے ہو

صندل میں چنبیلی میں
پھولوں کی حویلی  میں

                         تم ہی مجھے دِکھتے ہو

 منٹو کے  فسانوں  میں
قصوں کے جہانوں میں

                         تم ہی مجھے دِکھتے ہو

سورج کے نظاروں میں
راتوں کے ستاروں میں

                         تم ہی مجھے دِکھتے ہو

ہوش کی سواری  میں
آنکهوں کی خماری میں

                         تم ہی مجھے دِکھتے ہو

سایوں میں ہواؤں میں
مسحور     فضاؤں    میں

                         تم ہی مجھے دِکھتے ہو

آہوں میں صداؤں  میں
   مقبول   دعاؤں  میں

                        تم ہی مجھے دِکھتے ہو