روایتی کرسمس پر یڈ،4میٹر لمبا اور کئی ٹن وزنی کیک عوام کیلئے پیش

برلن …جرمنی میں ہر سال کی طرح اس سال بھی 20ویں سالانہ اسٹولن فیسٹیول کے موقع پر روایتی کرسمس پر یڈ کا انعقاد کیا گیا ۔اس پریڈ میں عام روایت کو بر قرار رکھتے ہو ئے4میٹر لمبا اور کئی ٹن وزنی کر سمس اسٹولن کیک پیش کیا گیاجسکی تیاری میں66بیکرز نے حصہ لیا۔اس کیک کو کر سمس کے جشن کی مناسبت سے خصوصی طور پر سجا ئی گئی گھوڑا گا ڑی میں رکھ کر گلیوں سے گزارا گیا جبکہ مارچنگ بینڈز بھی اسکے ہمراہ دھنیں بکھیرتے پریڈ کرتے نظر آئے۔ عام نمائش کے بعد اس کیک کو ایک دیوہیکل چھری کی مدد سے مختلف ٹکڑوں میں کاٹ کر لوگوں میں تقسیم کیا گیا جس سے حاصل ہو نے والی رقم فلا حی کاموں کے لئے وقف کر دی گئی ۔