لاہور(یو این پی) پاک چین اقتصادی راہداری کی مقبولیت کو دیکھ کر ایک پاکستانی شہری کاشف خان مہمند اتنا متاثر ہو گیا کہ اس نے ’سی پیک نسوار‘ کا برانڈ ہی لانچ کر دیا ہے۔تفصیلات کے مطابق کاشف خان مہمند نے لاہور کے علاقے ہربنس پورہ میں بلا سٹینڈ کے قریب نسوار کی دکان کھولی ہے جس کا نام انہوں نے پاک چین اقتصادی راہداری سے متاثر ہو کر ’سی پیک نسوار‘ رکھ دیا ہے۔ کاشف خان کا کہنا تھا کہ ان کی خواہش ہے کہ ان کی نسوار بھی سی پیک کی طرح مشہور ہو جائے۔ انہوں نے کہا کہ وہ چین اور گوادر میں بھی اپنی نسوار کی دکان بنائیں گے ۔