پاناما کے بعد مستقبل کے لائحہ عمل کا اعلان کرینگے :بلاول بھٹو

ٹنڈو محمد خان  (یو این پی)بلاول بھٹو زرداری نے کہا ہے کہ دیکھتے ہیں شریفوں کے خلاف کیا فیصلہ آئے گا ، پاناما کیس کے بعد ہی آئندہ کے لائحہ عمل کا اعلان کریں گے ، نیشنل ایکشن پلان پرعملدرآمد نہ ہونے سے دہشتگردی پر قابو نہیں پایا جا سکتا ۔ بلاول بھٹو زرداری نے ٹنڈو محمد خان میں پل کا افتتاح کیا ۔ میڈیا سے گفتگو میں انہوں نے نیشنل ایکشن پلان پر عملدرآمد نہ ہونے پر حکومت کو تنقید کا نشانہ بنایا ۔ بلاول بھٹو نے کہا کہ دیکھتے ہیں شریفوں کے خلاف کیا فیصلہ آئے گا اس کے بعد ہی آئندہ کے لائحہ عمل کا اعلان کریں گے ۔ صحافی نے سیہون شریف دھماکے کے بعد پیدا ہونے والی صورتحال پر سوال کیا جس پر بلاول بھٹو نے گول مول جواب دیا ۔ عرفان اللہ مروت کی پیپلز پارٹی میں شمولیت کے سوال پر چیئرمین پیپلز پارٹی نے کہا کہ عرفان اللہ مروت سے صرف ایک ملاقات ہوئی ۔ پل کی افتتاحی تقریب کے موقع پر وزیر اعلیٰ سندھ نے اپنے خطاب میں کہا کہ سندھ حکومت ترقیاتی کام کرکے عوام کی خدمت کر رہی ہے ۔