اگر وزن کم کرنے کی کوشش میں ہیں تو صبح جیسے ہی آنکھ کھلے اُٹھ کر اپنے کمرے کے۔۔۔‘ ماہرین نے وزن کم کرنے کیلئے ایسا کام کرنے کا مشورہ دے دیا جو آپ نے کبھی سوچا بھی نہ ہوگا

نیویارک(یواین پی)وزن بڑھانا جتنا آسان ہے، اس میں کمی لانا اسی قدر محال۔ موٹاپا کم کرنے کے لیے لوگ بھاری ورزشیں کرتے ہیں اور ڈائٹنگ کے کٹھن مرحلے سے گزرتے ہیں لیکن اب ماہرین نے وزن کم کرنے کے لیے ایک ایسا کام کرنے کا مشورہ دے دیا ہے جو کبھی کسی کے ذہن میں بھی نہیں آیا ہو گا۔ میل آن لائن کی رپورٹ کے مطابق ماہرین کا کہنا ہے کہ ”جو لوگ وزن کم کرنے کی کوشش میں لگے ہیں وہ صبح جیسے ہی اٹھیں اپنے کمرے کی کھڑکیوں کے پردے ہٹا دیا کریں۔ ماہرین نے اس کی وجہ یہ بتائی ہے کہ صبح سویرے سورج کی بالائے بنفشی شعاعیں جسم پر پڑنے سے باڈی کلاک منظم ہو جاتا ہے جس سے نظام انہضام پوری قوت کے ساتھ کام کرنا شروع کر دیتا ہے۔ اس سے وزن کم کرنے میں بہت مدد مل سکتی ہے۔