معیاری اور جدید فلمیں ہی عوام کو تفریح کے مواقع فراہم کر سکتی ہیں سینما مالکان

لاہور ۔(یواین پی) لاہور میں جدید سہولیات ومشینری سے آراستہ سینما گھروں کے مالکان نے کہا ہے کہ بھارتی فلموں کی پاکستانی سینماؤں میں نمائش کے خلاف جاری مہم ناکام ہو گئی ہے۔ تفصیلات کے مطابق فلم انڈسٹری میں موجود بعض ہدایات کاراس مہم کو چلا رہے تھے لیکن طویل عرصہ گزرنے کے باوجود انہوں نے کوئی نئی فلم تیارنہیں کی ہے جس کی وجہ سے بھارتی فلموں کی مقامی سینماؤں میں نمائش کا سلسلہ جاری ہے ۔انہوں نے کہا کہ معیاری اور جدید فلمیں ہی عوام کو تفریح کے مواقع فراہم کر سکتی ہیں۔