الیکشن میں اوورسیز پاکستانی ووٹ نہیں ڈال سکیں گے، نادرا

اسلام آباد: (یواین پی) نادرا حکام نے کہا ہے کہ سوشل میڈیا پر چلنے والی مہم گمراہ کن ہے، سوشل میڈیا پر مہم کے ذریعے اوورسیز پاکستانیوں کو گمراہ کیا جارہا ہے، اوورسیز پاکستانیوں کی آن لائن ووٹنگ کا کوئی فیصلہ نہیں ہوا۔نادرا حکام نے کہا ہے کہ اوورسیز پاکستانیوں کی آن لائن ووٹنگ کا تجربہ ضمنی انتخابات میں کیا جاسکتا ہے تاہم عام انتخابات میں ووٹ ڈالنے کیلیے اوورسیز پاکستانیوں کو ملک آنا ہو گا، پاکستان آکر بھی وہی اوورسیز پاکستانی ووٹ ڈال سکیں گے جو رجسٹرڈ ووٹر ہوں گے۔نادرا حکام کے مطابق اوورسیز پاکستانیوں کی آن لائن ووٹنگ کا کیس سپریم کورٹ میں زیر سماعت ہے، سپریم کورٹ نے مقدمے کی سماعت کی تاریخ الیکشن کے بعد مقرر کی ہے۔