ہر مسئلہ پر پی ٹی آئی حکومت کے ساتھ کھڑے ہیں، چودھری پرویز الہٰی

لاہور: (یواین پی) سپیکر پنجاب اسمبلی چودھری پرویز الہیٰ نے وزیراعلیٰ عثمان بزدار سے ملاقات میں کہا ہے کہ ان کی جماعت ہر مسئلہ پر تحریک انصاف کی حکومت کے ساتھ کھڑی ہے۔ذرائع کے مطابق قائم مقام گورنر چودھری پرویز الہٰی اور وزیراعلیٰ پنجاب سردار عثمان بزدار کے درمیان ملاقات ہوئی جس میں پنجاب کی سیاسی صورتحال پر تبادلہ خیال کیا گیا۔ دونوں رہنماؤں نے ملاقات میں وزیر آباد کارڈیالوجی ہسپتال کو درپیش تمام رکاوٹیں دور کرکے فوری چالو کرنے کا فیصلہ بھی کیا۔اس موقع پر قائم مقام گورنر چودھری پرویز الہیٰ کا کہنا تھا کہ عمران خان اور وزیراعلیٰ کے ساتھ ہماری جماعت ہر مسئلہ پر شانہ بشانہ کھڑی ہے۔