خیبر پختونخوا میں پولیو کے دو نئے کیس سامنےآگئے

پشاور(یواین پی )محکمہ صحت خیبر پختونخوا نے صوبے میں 2 نئے پولیو کیسز کی تصدیق کی ہے جس کے بعد رواں سال خیبرپختونخوا میں پولیو کیسز کی تعداد 15 ہوگئی۔محکمہ صحت کے حکام کا کہنا ہے لکی مروت کی تحصیل بیٹنی میں 14 ماہ کی بچی اور جنوبی وزیرستان کی تحصیل شگئی میں 13 ماہ کی بچی میں پولیو وائرس کی تصدیق ہوئی ہے۔ صوبائی محکمہ صحت کا کہنا ہے کہ دونوں بچوں کو پولیو سے بچاو کے قطرے نہیں پلائے گئے تھے۔