کیپٹن راجہ محمد سرور کا 72واں یوم شہادت 27 جولائی کو منایا جائے گا
Published on June 17, 2020 by admin ·(TOTAL VIEWS 176) No Comments
کراچی(یواین پی)ارض پاک کی حفاظت کرتے ہوئے شہید ہونے والے اس دھرتی کی شان ، پہلا نشان حیدر پانے والے کیپٹن راجہ محمد سرور کا 72واں یوم شہادت 27 جولائی کو منایا جائے گا۔کیپٹن محمد سرور 27 جولائی1948کوکشمیر کے اوڑی سیکٹرکے مقام پر شہید ہوگئے تھےپاکستان کا پہلا نشان حیدر پانے والے پاک فوج کے کیپٹن راجہ محمد سرور تحصیل گوجر خان کے ایک گاؤں سنگھوڑی میں 1910ء میں راجپوت گھرانے میں پیدا ہوئے، 1929ء میں انہوں نے فوج میں بطور سپاہی شمولیت اختیار کی، 1944ء میں پنجاب رجمنٹ میں کمیشن حاصل کیا، بعد ازاں انہوں نے برطانیہ کی جانب سے دوسری عالمی جنگ میں حصہ لیا، شاندار فوجی خدمات کے پیشِ نظر 1946ء میں انہیں مستقل طور پر کیپٹن کے عہدے پر ترقی دے دی گئی۔راجہ محمد سرور شہید نے پاکستان بننے کے فورا بعد پاک فوج میں شمولیت اختیار کرلی، 1948ء میں جب وہ پنجاب رجمنٹ کی سیکنڈ بٹالین میں کمپنی کمانڈر کے عہدے پر خدمات انجام دیتے ہوئے 27 جولائی 1948ء کو کشمیر کے اوڑی سیکٹر پر دشمن کا بہادری سے مقابلہ کرتے ہوئے دشمن کی گولا باری سے شہید ہوگئے تھےکیپٹن محمد سرور کی شاندار خدمات کے اعتراف میں جہاں انہیں مختلف اعزازات سے نوازا گیا، وہیں 27اکتوبر 1959ء کو انہیں نشانِ حیدر کے اعلیٰ ترین اعزاز سے نوازا گیا، انہیں پہلا نشانِ حیدر پانے کا اعزاز بھی حاصل ہے۔
:اسی سے منسلک خبریں جو آپ پڑھنا چاہیں گے
انڈس لائف اچیومنٹ ایوارڈزکی رنگا رنگ تقریب ”آج “پلاک میں ہوگی؛ کامران حیات
اقتصادی راہداری کا روٹ
رنویر سنگھ کے پاکستانی ہم شکل فیصل آباد کے ’’حماد‘‘ نے دھوم مچا دی
ضلع فیصل آباداور جھنگ کے مقامی صحافیوں کیلئے جینڈر ڈیزاسٹر اینڈ ہیومن ٹیرین رسپانس کے موضوع پر دو روزہ تربیتی ورکشاپ
حکومت کسی ڈیل کا حصہ نہیں، کرپشن کیسز پر سمجھوتہ نہیں ہوگا: وزیراعظم
پانچ جولائی کو عید کا چاند دکھائی دینے کے امکانات روشن