مانگامنڈی کے علاقے میں ڈاکو راج برقرار دس مسلح افراد کی گھر میں ڈکیتی کی بڑی واردات

مانگامنڈی جئے کا ٹبہ میں ڈکیتی کی واردت مسلح ڈاکو اہلخانہ سے لاکھوں روپے نقدی طلائی زیورات لوٹ کر فرار
مانگامنڈی (یو این پی) تھانہ مانگامنڈی کے علاقہ میں ڈاکو راج برقرار ہوگیا۔چوری ڈکیتی کی وارتیں آئے روز جاری ہیں گزشتہ روز دوران ڈکیتی سندر کے علاقے میں پولیس مقابلے میں پولیس اہلکار کی شہادت کے بعد ڈاکوو¿ں کا پولیس کو کھلا چیلنج کر دیا گیا ہے روک سکتے ہو تو روک لو مانگامنڈی کے نواحی علاقے گاو¿ں جئے کا ٹبہ میں محمد اقبال اور محمد لطیف جٹ کے گھر ڈکیتی کی بڑی واردات ہوئی ہے۔متاثرہ محمد اقبال کے مطابق دس کے قریب نامعلوم مسلح ڈاکوو¿ں نے اہلخانہ کو اسلحہ کی نوک پر یرغمال بناکر 8 تولے طلائی زیورات، دو لاکھ روپے نقدی اور گھر میں پڑا لائسنس یافتہ پستول وغیرہ لوٹ کر فرار ہوگئے۔اہل خانہ کے مطابق مسلح ڈاکو گھر کی دیواریں پھلانگ کر گھر میں داخل ہوئے اور گریلوں کی جالیوں کو توڑ کر یہ ڈکیتی کی واردت کی ہے۔اور جاتے وقت ڈاکوو¿ں نے اندھادھند فائرنگ بھی کی تاہم ڈکیتی کی واردات کے حوالے سے اہلخانہ نے مدد کیلئے 15 پر پولیس کو اطلاع دی جس پر مانگامنڈی پولیس نے موقع پر پہنچ کر تحقیقات شروع کر دی ہے۔مانگامنڈی کے علاقے میں بڑھتی ہوئی وارداتیں علاقہ میں دہشت کی علامت بنتی جا رہی ہے مگر مانگامنڈی پولیس کے پاس تمام تر وسائل ہونے کے باوجود ڈکیتی کی وارداتوں کو کنٹرول کرنے میں مانگامنڈی پولیس بری طرح ناکام ہوچکی ہے۔