پولیس نے دونوں لاشیں قبضہ میں لے کرپوسٹمارٹم کیلئے ٹی ایچ کیوہسپتال پہنچادیں
عارف والا(یواین پی) جائیداد کے تنازعہ پر مسلح افرادنے گھر میں گھس کر پسند کی شادی کرنے والے جوڑے کو موت کے گھاٹ اتاردیا تفصیلات کے مطابق نواحی گاﺅں پکہ ٹبہ میں فیاض احمد اپنی بیوی نمرہ بی بی کے ہمراہ گھر میں موجودتھا کہ عبیداللہ نے ساتھیوں سے ملکر زبردستی گھر میں گھس کر فائرنگ کردی جس کے نتیجہ میں نمرہ بی بی موقعہ پر موت کی نیند سوگئی جبکہ فیاض احمد کو تشویشناک حالت میں ہسپتال لایا جارہاتھاکہ زخموں کی تاب نہ لاتے ہوئے وہ راستے ہی میں زندگی کی بازی ہارگیا ملزمان جائے وقوعہ سے فرارہونے میں کامیاب ہوگئے تھانہ رنگشاہ پولیس نے دونوں لاشیں قبضہ میں لے کرپوسٹمارٹم کیلئے ٹی ایچ کیوہسپتال پہنچادیں پولیس مصروف تفتےش ہے مقتول کے بھائی شہزاد احمد نے بتایا کہ نمرہ بی بی اور فیاض احمد نے چند ماہ قبل پسند کی شادی کی تھی یتیم نمرہ بی بی کا جائیداد کا تنازعہ اپنے تایا عبیداللہ سے چل رہاتھا اسی رنجش پر دونوں میاں بیوی کو قتل کردیا گیا ہے