ہارون آباد(یو این پی)جنوبی پنجاب کی اہم ترین غلہ منڈی ہارون آباد میں پڑی نقد آور فصل کپاس( چاندی کا ریشہ) کے ڈھیروں میں ٹرانسفارمر کے شارٹ سرکٹ کے سبب آگ لگنے سے قریبا” پچاس ہزار من کاٹن جسکی مالیت نو کروڑ بنتی ہے جل کر خاکستر ہو گئی اس نا قابل تلافی نقصان سے علاقہ بھر کےچھوٹے بیسیوں زمینداران، و بیوپاری متاثر ہوئے ہیں ،میڈیا سے استفسار پر معروف بروکر راشد نور نے بتایا کہ چندسال پہلے تک ذمہ داران نے آتشزدگی کے واقعات سے نمٹنے کے کئے ہنگامی فنڈ قائم کر رکھا تھا جس کے باعث ازالہ کی صورت موجود تھی اب وہ روایت بوجوہ دم توڑ گئی ،غلہ منڈی میں موجود پلے داروں نے اپنی مدد آپ کے تحت بھڑکتی آگ پر بڑی حد تک قابو پایا جبکہ فائر بریگیڈ کا عملہ اطلاع ملنے کے باوجود تاخیر سے پہنچا۔