ملک میں ربیع الاول کا چاند جمعرات 7 اکتوبر کو نظر آنے کا امکان

لاہور (یواین پی) ربیع الاول کی آمد میں کم وقت باقی رہ گیا، عید میلاد النبیﷺ کی تاریخ بتا دی گئی۔ تفصیلات کے مطابق محکمہ موسمیات کی جانب سے ربیو الاول کے مبارک مہینے کے چاند کی رویت کے حوالے سے پیشن گوئی کی گئی ہے۔ محکمہ موسمیات کی رپورٹ کے مطابق ملک میں عید میلاد النبیﷺ 19 اکتوبر بروز منگل کو ہونے کا امکان ہے، جبکہ ربیع الاول کا آغاز ممکنہ طور پر 8 اکتوبر سے ہو گا۔رپورٹ کے مطابق ملک میں ربیع الاول کا چاند 7 اکتوبر کو نظر آنے کے واضح امکانات موجود ہیں۔ بتایا گیا ہے کہ ربیع الاول کے چاند کی پیدائش 6 اکتوبر کو شام 4 بجے کے بعد ہو گی، اس لیے قوی امکان ہے کہ صفر کا مہینہ 29 ایام کا ہو گا اور 7 اکتوبر کی شام کو ربیع الاول کا چاند نظر آ جائے گا۔واضح رہے کہ 12 ربیع الاول کو عید میلاد النبیﷺ کے سلسلے میں ملک بھر میں عام تعطیل دی جاتی ہے