کوئٹہ ۔۔۔ گورنر بلوچستان محمد خان اچکزئی سے آج یہاں بلوچستان کے دورے پر آئے ہوئے مختلف ممالک کے سفارتکاروں کے ایک گروپ نے ملاقات کی ۔ اس موقع پر گورنر نے غیر ملکی سفارتکاروں کو بلوچستان کے بارے میں مختلف معلومات سے آگاہ کیا سفارتکاروں نے مختلف معاملات پر گورنر سے سوالات بھی کئے جس کے انہوں نے تفصیلی جوابات دےئے بعد میں گورنر کی جانب سے غیر ملکی مہمانوں کے اعزازمیں ایک عشائیے کا اہتمام کیاگیا۔