فیصل آباد مہنگی بجلی کا جن انڈسٹری کو نگلنے لگا، پاور لومز سیکٹر بری طرح متاثر

فیصل آباد (یو این پی)فیصل آباد میں پاور لومز مالکان بجلی کی قیمتوں میں اضافے پر سراپا احتجاج بن گئے جس کے باعث پاور لومز سیکٹر بری طرح متاثر ہوگیا۔فیصل آباد میں بجلی کی قیمتوں میں اضافے نے پاور لومز سیکٹر کی کمر توڑ کر رکھ دی جس کی وجہ سے مالکان فیکڑیاں بند کرنے پر مجبور ہوگئے ہیں،مالکان نے بے روزگار ہونے والے ہزاروں مزدوروں کے ساتھ سڑکوں پر نکل کر احتجاج ریکارڈ کروایا۔پاور لومز مالکان کے مطابق پیدواری لاگت سے خسارے کے بوجھ تلیدبی فیکڑیاں بند ہو رہی ہیں اور ہنر مند بے روزگار ہو رہے ہیں۔پاور لومز مالکان نے احتجاج کرتے ہوئے کہا کہ وہ حکومت کو بتا چکے ہیں کہ بجلی کی موجودہ قیمت پر انڈسٹری نہیں چل سکے گی اب فیکٹریاں بند ہو رہی ہیں اور مزدور بے روزگار ہورہا ہے، 60 روپے بجلی کا یونٹ انڈسٹری کیلئے ناقابل برداشت ہے اور مہنگی بجلی کا جن انڈسٹری کو نگل رہا ہے۔