رنگ روپ کی بنیاد پر ہونے والی شادی کبھی بھی پائیدار نہیں ہوتی،شائستہ لودھی

لاہور (یواین پی) اداکارہ شائستہ لودھی نے کہاکہ رنگ روپ کی بنیاد پر ہونے والی شادی کبھی بھی پائیدار نہیں ہوتی ہے۔انہوں نے کہا کہ زندگی گزارنے کے لئے ساتھی کا گورا ہونا ضروری نہیں ہے اور ہمارے معاشرے میں ایک مرد سانولی لڑکی سے زیادہ گوری لڑکی کے ساتھ شادی کرنے کو ترجیح دیتا ہے اور اس طرح بعد میں ان کی اولاد میں بھی یہ احسا س کمتری جنم لیتا ہے جبکہ اصل حقیقت یہ ہے کہ دنیا میں رنگ روپ فرضی ہیں اور اگر کچھ اصل ہے تو وہ صرف سچا پیار ہے۔