آخری T20 آج کھیلا جائیگا

Published on April 24, 2023 by admin ·(TOTAL VIEWS 39) No Comments

راولپنڈی(یو این پی)پاکستان اور نیوزی لینڈ کے درمیان جاری 5 میچوں کی ٹی ٹوئنٹی سیریز کا آخری میچ آج راولپنڈی اسٹیڈیم میں کھیلا جائے گا۔گرین شرٹس کو 5 میچوں کی سیریز میں1-2 کی برتری حاصل ہے، پاکستان نے پہلے 2 میچز میں نیوزی لینڈ کو شکست دی تھی جبکہ تیسرے میچ میں اسے ناکامی کا سامنا کرنا پڑا تھا۔دونوں ٹیموں کے درمیان کھیلا گیا چوتھا میچ بارش کی نذر ہو گیا تھا جس کے بعد اب آخری میچ آج کھیلا جائے گا۔واضح رہے کہ آخری ٹی ٹوئنٹی میچ کی تمام آن لائن ٹکٹیں فروخت ہوگئی ہیں۔میچ پاکستانی وقت کے مطابق رات 9 بجے کھیلا جائے گا۔