چینی صدر کی چین امریکہ  تجارتی تعاون کی حمایت کر نے والوں کو مبا رکباد 

بیجنگ (یو این پی)چین کے صدر شی جن پھنگ نے امریکہ چین بزنس کونسل کے قیام کی 50 ویں سالگرہ کی تقریبات کے موقع پر ایک تہنیتی خط ارسال کیا جس میں امریکہ میں زندگی کے تمام شعبوں سے تعلق رکھنے والے افراد کو دلی مبارکباد پیش کی گئی جنہوں نے طویل عرصے سے چین امریکہ اقتصادی اور تجارتی تعاون کی حمایت کی ہے۔جمعہ کے روز شی جن پھنگ نے نشاندہی کی کہ آیا چین اور امریکہ چیلنجز سے نمٹنے کے لئے مل کر کام کرسکتے ہیں یا نہیں، یہ دونوں ممالک کے عوام کے مفادات سے متعلق ہے اور انسانیت کے مستقبل اور تقدیر کو متاثر کرتا ہے۔ کچھ عرصہ پہلے میں نے سان فرانسسکو میں صدر بائیڈن سے ملاقات کی تھی تاکہ چین امریکہ تعلقات کی ترقی سے متعلق اہم امور پر تفصیلی تبادلہ خیال کیا جا سکے اور اہم اتفاق رائے طے پائے۔ باہمی احترام، پرامن بقائے باہمی اور باہمی تعاون کے اصولوں کی بنیاد پر چین امریکہ کے ساتھ درست سمت میں کام کرنے، سان فرانسسکو سمٹ کے نتائج پر عمل درآمد اور چین امریکہ تعلقات کی مضبوط، مستحکم اور پائیدار ترقی کو فروغ دینے کے لیے تیار ہے۔اسی روز امریکی صدر جو بائیڈن نے بھی امریکہ چین بزنس کونسل کے قیام کی 50 ویں سالگرہ کے موقع پر مبارکباد کا خط بھیجا تھا۔ 1973 ء میں قائم  ہونے  والی یو ایس چائنا بزنس کونسل ایک غیر سرکاری تجارتی تنظیم ہے جو چین اور امریکہ کے درمیان سفارتی تعلقات کے قیام سے قبل امریکہ کی طرف سے قائم کی گئی تھی تاکہ دونوں ممالک کے مابین اقتصادی و تجارتی کو مسلسل فروغ دیا جا سکے۔