پی ایس ایل کے ترانے پر تنازع سامنے آ گیا
Published on January 16, 2024 by admin ·(TOTAL VIEWS 59) No Comments
کراچی(یو این پی) ایچ بی ایل پی ایس ایل کے ترانے پر تنازع سامنے آ گیا جب کہ علی ظفر پی سی بی کی جانب سے کمٹمنٹ سے پیچھے ہٹنے پر ناخوش ہیں۔ایچ بی ایل پی ایس ایل میں ابتدائی تینوں سیزنز کے ترانے علی ظفر نے گائے تھے،2017 میں ’’سیٹی بجے گی‘‘ والا اینتھم اب بھی سب سے زیادہ پسند کیا جاتا ہے۔2018 میں علی ظفر پر ساتھی گلوکارہ میشا شفیع نے ہراسگی کا الزام لگایا جس سے ان کا کیریئر شدید متاثر ہوا، تب سے انھیں دوبارہ پی ایس ایل کا ترانا گانے کا موقع بھی نہیں مل پایا، ان پر الزام ثابت نہیں ہو سکا لیکن ایک داغ لگ گیا جو لاکھ کوشش کے باوجود اب تک صاف نہیں ہو سکا۔ذرائع نے بتایا کہ پی سی بی نے رواں برس پی ایس ایل 9 کیلیے علی ظفر کی آواز میں اینتھم ریکارڈ کرانے کا پلان بنایا، لیگ کے ایک اعلیٰ آفیشل نے ان سے کمٹمنٹ کر لی جس پر گلوگار نے کام بھی شروع کر دیا،انھوں نے 3 گانے بنائے جس میں سے ایک منتخب بھی ہو گیا،البتہ بات جب پی ایس ایل فرنچائزز تک پہنچی تو ایک خاتون آفیشل نے اعتراض اٹھا دیا۔ان کا کہنا تھا کہ ماضی کے واقعے کی وجہ سے علی ظفر کو لیگ سے منسلک کرنا درست نہیں اس سے ساکھ متاثر ہو گی، اس بات کو جواز بنا کر بورڈ نے علی ظفر کو پروجیکٹ سونپنے کا ارادہ تبدیل کر دیا، گلوکار اس صورتحال سے ناخوش ہیں، انھوں نے پہلے سوشل میڈیا پر پول کرایا اور اب 2 طویل پوسٹس کر کے اپنی فرسٹریشن کا اظہار کیا ہے۔ابھی یہ فیصلہ نہیں ہوا کہ علی ظفر کی جگہ کون سے گلوکار پی ایس ایل 9 کا اینتھم گائیں گے۔
:اسی سے منسلک خبریں جو آپ پڑھنا چاہیں گے
سوات میں ڈینگی سے متاثرہ افراد کی تعداد8840ہوگئی
پنجاب میں آم کے 2 لاکھ97 ہزار ایکڑ باغات سے 135 من فی ایکڑ کے حساب سے سوا 2ملین ٹن پیداوار حاصل ہوئی
سال بھر میں سونے کی قیمت میں 20 ہزار روپے کا اضافہ
کراچی میں کورونا وائرس کا ایک اور مریض صحت یاب ہوگیا
امپورٹڈ حکومت آئی ایم ایف کے آگے لیٹ گئی ہے، شوکت یوسفزئی
اردو فیچر فلم ’’میری پہچان‘‘ کی عکسبندی محرم الحرام کے بعد ہوگی
Readers Comments (0)