روزانہ تیس منٹ ورزش کرنا فشار خون کو معمول پر رکھنے میں کارآمد ثابت ہوتا ہے۔طبی ماہرین

لاہور ۔۔۔طبی ماہرین نے کہا ہے کہ روزانہ تیس منٹ ورزش کرنا فشار خون کو معمول پر رکھنے میں کارآمد ثابت ہوتا ہے۔ محمد علی جناح میڈیکل کمپلکس کے چیئرمین بشیر مہدی نے کہا ہے کہ بلند فشار خون کے اسباب میں تناؤ، پریشانی، نمک کا زیادہ استعمال وغیرہ شامل ہیں۔ انہوں نے کہا کہ یہ بات بھی تحقیق سے ثابت ہوچکی ہے کہ دن میں چند منٹوں کی ورزش ذہنی تناؤ کو بھی کم کرنے میں مددگار ہوتی ہے۔ ورزش نہ صرف بلند فشار خون کو کم کرتی ہے بلکہ کم فشار خون کو بھی بڑھا کر معمول پر لاتی ہے۔