بھارتی سٹار ثائنہ نہوال فٹنس مسائل کے باعث کامن ویلتھ گیمز سے دستبردار ہو گئیں

نئی دہلی ۔ ۔۔ بھارت کی بیڈمنٹن سٹار اور دفاعی چیمپئن ثائنہ نہوال فٹنس مسائل کے باعث کامن ویلتھ گیمز سے دستبردار ہو گئیں۔ نہوال نے 2010ء میں بھارت میں منعقدہ میگا گیمز میں بیڈمنٹن ایونٹ میں طلائی تمغہ جیتا تھا۔ نہوال آسٹریلین اوپن سپر سیریز کے دوران انجری کا شکار ہو گئی تھیں اور ان دنوں بحالی صحت کے عمل سے گزر رہی ہیں۔ سابق عالمی نمبر دو ثائنہ نہوال نے اپنے بیان میں کہا کہ فٹنس مسائل کے باعث میگا گیمز سے دستبرداری میرے لئے بہت تکلیف دہ ہے تاہم میں نے احتیاطی تدابیر کی وجہ سے یہ فیصلہ کیا ہے، میں ابھی مکمل فٹ نہیں ہوئی اسلئے میگا گیمز میں شرکت کر کے کوئی خطرہ مول لے نہیں سکتی۔