میڈیا کا کام عوام کو اصل حقائق سے باخبر رکھنا ہوتا ہے ،ڈاکٹر بی اے خرم

سات نیوز چینلز کی صحافی ٹیموں پر پنجاب پولیس کے وحشیانہ تشدد کی جتنی بھی مذمت کی جائے کم ہے
ملتان (یواین پی )گزشتہ روز وزیر اعظم ہاؤس کی جانب بڑھنے والے لانگ مارچ کے شرکاء کی کوریج کرنے والے سات نیوز چینلز کی صحافی ٹیموں پر پنجاب پولیس کے وحشیانہ تشدد کی جتنی بھی مذمت کی جائے کم ہے ان خیالات کا اظہارجرنلسٹ ڈاکٹر بی اے خرم نے اپنے ایک بیان میں کیا انہوں نے مزید کہا کہ میڈیا کا کام عوام کو اصل حقائق سے باخبر رکھنا ہوتا ہے صحافت کو چوتھا ستون تصور کیا جاتا ہے اور اس ستون پہ گزشتہ روز اسلام آباد میں جس طرح وحشیانہ تشدد ہوا اس کی مثال کہیں نہیں ملتی جہاں پنجاب پولیس کا اصل چہرہ سامنے آیا وہاں اس واقعہ سے پاکستان کا امیج بھی خراب ہوا اعلی حکام کو چاہئے کہ اس واقعہ کی تحقیقات کرائیں اور اس واقعہ میں ملوث پس پردہ لوگوں کو بھی بے نقاب کیا جائے