آپریشن ضرب عضب کی کامیابیوں میں پاک فضائیہ کا کردارقابل ستائش ہے ،وزیراعظم

ملکی دفاع میں فضائیہ نے ہر محاذ پر اپنی پیشہ وارانہ تربیت کا مظاہرہ کیا ہے جس پر پوری قوم کو فخر ہے ،نوازشریف
وزیراعظم کا ایئرہیڈ کوارٹر کا دورہ، آپریشن ضرب عضب پر بریفنگ ،شہداء کی یادگار پرحاضری دی اور پھول چڑھائے
اسلام آباد۔۔۔وزیراعظم نوازشریف نے کہا ہے کہ آپریشن ضرب عضب میں پاک فضائیہ کا کردار انتہائی اہم ہے،وزیراعظم نوازشریف نے یہ بات دورہ ایئرہیڈ کوارٹرز کے موقع پر کہی، ایئرہیڈ کوارٹر پہنچنے پر ایئرچیف طاہررفیق بٹ نے وزیراعظم کا استقبال کیا، اس موقع پر پاک فضائیہ کے چاق وچوبند دستے نے سلامی دی۔ وزیراعظم نے گارڈ آف آنرز کا معائنہ کیا، اس موقع پر وزیراعظم نے ا یئر ہیڈ کوارٹرز میں شہداء کی یادگار پرحاضری دی اور پھول چڑھائے، وزیراعظم نے ملک کیلئے جان کا نذرانہ دینے والوں کو خراج تحسین پیش کیا۔ وزیراعظم نوازشریف اور ایئرچیف طاہررفیق بٹ کی ملاقات بھی ہوئی جس مین پیشہ ورانہ امور پر تبادلہ خیال کیا گیا۔