راولپنڈی (یو این پی) خیبر ایجنسی کے علاقہ سپین قمر میں سیکورٹی فورسز اور دہشتگردوں کے درمیان جھڑپ میں 17 دہشتگرد ہلاک ہوگئے۔ پاک فوج کے شعبہ تعلقات عامہ (آئی ایس پی آر) کی طرف سے یہاں جاری ہونے والے بیان میں کہا گیا ہے کہ گزشتہ روز 50 سے لے کر 60 تک دہشتگردوں نے سیکورٹی فورسز کی چیک پوسٹ پر حملہ کرنے کی کوشش کی۔ بیان میں کہاگیا ہے کہ سیکورٹی فورسز نے دہشتگردوں کا حملہ بہادری سے پسپا کردیا اور اس دوران دہشتگرد اپنے 17 ساتھیوں کی لاشیں چھوڑ کر فرار ہوگئے۔