پاکستان کو دوسروں کی جنگ میں فریق بننے کے بجائے امن مذاکرات میں مرکزی کردار ادا کرنا چاہئے
اسلام آباد۔۔۔ تحریک انصاف کے چیرمین عمران خان نے کہا ہے کہ دوسروں کی لڑائی کا حصہ بننے سے ملک کو پہلے ہی بہت نقصان پہنچا ہے اس لئے پاکستان کو کسی صورت یمن میں ہونے والی لڑائی کا حصہ نہیں بننا چاہئے۔ سماجی رابطے کی ویب سائٹ پر بیان میں عمران خان نے کہا کہ یمن میں امریکا اور سعودی عرب کے اتحاد کا حصہ بننا ایسا ہی ہے جیسے پاکستان خود کو ایک اور جنگ کی جانب دھکیل رہا ہو لہٰذا پاکستان کو دوسروں کی جنگ میں فریق بننے کے بجائے امن مذاکرات میں مرکزی کردار ادا کرنا چاہئے۔ انہوں نے کہا کہ پاکستان میں پہلے ہی فرقہ واریت بہت ہے اور 10 سال میں ملک نے بہت نقصان اٹھایا ہے، یمن میں فوج بھیجنے سے فرقہ واریت مزید بڑھے گی۔