اسلام آباد (یواین پی) وزیرِ داخلہ چوہدری نثار علی خان سے برطانوی ہائی کمشنر نے جمعرات کو یہاں کی ملاقات کی۔ وزارت داخلہ کی جانب سے جمعرات کو جاری بیان کے مطابق وزیرِ داخلہ نے گزشتہ روز کی بی بی سی رپورٹ کے حوالے سے برٹش ہائی کمشنر کو پاکستان کے موقف سے آگاہ کیا۔ وزیر داخلہ نے کہا کہ بی بی سی رپورٹ میں انتہائی حساس اور اہم انکشافات کئے گئے ہیں، ہم چاہتے ہیں کہ حقائق تک رسائی کے لئے حکومتِ برطانیہ ہماری مدد کرے۔