روم (یو این پی)آرمی چیف جنرل راحیل شریف تین روزہ دورے پر اٹلی پہنچ گئےجہاں انہوں نے اطالوی وزیر خارجہ سے ملاقات کی ۔آئی ایس پی آر کے مطابق جنرل راحیل شریف نے اٹلی کے وزیر خارجہ سے ملاقات کی ملاقات میں علاقائی سکیورٹی صورتحال پر بات چیت ہوئی ۔ملاقات میں دفاعی تعاون پر بھی بات چیت ہوئی ۔اطالوی وزیر خارجہ نے کہا ہے کہ خطے میں استحکام کے حوالے سے پاکستان کا کردار لائق تحسین ہے ۔ان کا کہناتھا کہ پاک فوج خطے میں امن کیلئے عظیم امید ہے ۔